Tơdơi kơ rơbêh 2 blan ngă bruă tui gong gai dua gưl, bruă čơkă hră, pơkra brơi hră pơ-ar ƀơi hơdôm boh să phường mơ̆ng tơring čar Gia Lai tŭ yua laih. Hơjăn hơdôm boh să, phường tong krah, Jơnum min mơnuih ƀôn sang tơring čar Gia Lai kiăng tañ hơmâo Anih bơwih brơi bruă ngă hră phara đah mơ̆ng mă bruă klă hloh. Tui hăng Jơnum min mơnuih ƀôn sang tơring čar Gia Lai, hơdôm Anih bơwih brơi bruă ngă hră gưl să mơ̆ng tơring čar glăk mă bruă tŭ yua biă, hră pơ-ar hơmâo pơkra brơi djơ̆ hrơi pơkă truh kơ 95%.

Ơi Lâm Hải Giang, Kơ-iăng khua Jơnum min mơnuih ƀôn sang tơring čar Gia Lai brơi thâo, hră pơ-ar, bruă ngă hră lŏn pioh dun lu hloh kơ bruă pơkŏn, aka ƀu djơ̆ hăng tơlơi kiăng mơ̆ng mơnuih ƀôn sang ôh, biă ñu lĕ hơdôm hơdôm boh phường tong krah. Laih dong, kiăng hơdôm boh să, phường glăk bưp tơlơi anai khŏm tañ akŏ pơdong Anih bơwih brơi bruă ngă hră phara kiăng dưi jê̆ mơnuih ƀôn sang hloh, plai ƀiă rơngiă mông hăng rơngiă prăk nao rai./.