Bruă anai pơhưč hơdôm rơtuh anom bơwih ƀong, anom ngă ƀong hrŏm amăng tơring čar hăng khul grup bơwih ƀong mơ̆ng Quảng Tây (dêh čar Khač). Ƀơi mông jơnum, ƀing pơ ala mơ̆ng hơdôm anom bơwih ƀong Việt Nam hăng Khač hơmâo pơčrông sai hơdră pơđĭ kyar hăng pơhlôm hơđong kjăp bruă ba sĭ gơnam pơ anăp anai. Amăng anun, hơdôm anom bơwih ƀong Việt Nam čang rơmang hơmâo djru lăi pơthâo tañ djŏp tơlơi pơtrun, tơlơi pơkôl pơkă phrâo hăng hơnong pơkă hơdjă rơnuk rơnua mơnŏng ƀong huă phrâo mơ̆ng dêh čar Khač. Laih dong hơmâo glông pôr pơthâo na nao kiăng hmao thâo djŏp tơlơi pơplih amăng bruă pơkra gơnam.

Gah dêh čar Khač, lu anom bơwih ƀong lăi, Gia Lai kiăng kơđiăng nao hloh kơ tơlơi hơđong mơ̆ng anih pơkra gơnam, anŏ klă dưm kơnar hăng tơlơi pơkra gơnam dlăm hloh đah mơ̆ng hơmâo nua pơmă hloh. Ƀơi mông jơnum, hơdôm gum pơsit kiăng pok anih pơtruh nao rai ƀơi anăp, plai ƀiă kơnang kơ pô pơkŏn ƀudah hơmâo pô pơtruh brơi ngă gong jơlan, laih dong pơtrut ngă hrŏm gah logistics. Ƀơi mông jơnum anai mơtăm, hơmâo 7 pok hră ngă hrŏm hơmâo kĭ kơplah wah anom bơwih ƀong Gia Lai hăng anom bơwih ƀong čar Khač./.