Rơđah biă ñu kah hăng Sang bruă bơwih ƀong Banana Brothers Farm, tơring glông Mdrak, tơring čar Dak Lak phrâo sĭ 100 tơn pơtơi kơ dêh čar Khač hăng Hàn Quốc; Sang bruă bơwih ƀong mơnuih ƀôn sang Ban Mê Green Farm hmâo kĭ hră djă pioh hăng gum hrŏm sĭ rơbêh kơ 100 conteiner sầu riêng hăng bơnah gum hrŏm.

Lu Anom bơwih ƀong mơ̆ng Dak Lak hmâo gơgrong hlâo pơplih phrâo, ngă klă hloh bruă mă pioh pơđĭ dlông mrô gơnam pơhrui glăi, klă hiam, djơ̆ tui tơlơi kiăng yua jai hrơi dlông mơ̆ng jar kơmar. Gơnong bruă đang hmua hăng pơđĭ kyar ƀôn lan tơring čar Dak Lak, brơi thâo: thun 2025, tơring čar đing nao pơđĭ dong anô̆ klă gơnam, djơ̆ tui tơhnal pơkă sĭ kơ dêh čar tač rơngiao. Sa gru nam mơ-ak pơkon amăng bruă sĭ gơnam kơ dêh čar tač rơngiao ƀơi Dak Lak lĕ kơphê klă hiam, kơphê phara ha jăn dưi hmâo jar kơmar đing nao dong. Hrŏm hăng kơphê akă mah, hơdôm mơta kơphê pơkra kơjăp mơ̆ng tơring čar ăt ƀơƀrư̆ mơn pơtŏng sit anih gơgrong lơm ƀuh ƀô̆ ƀơi lu dêh čar, kual lŏn. Amăng anun hmâo hơdôm anih anom ruah hloh samơ̆ bă kơ tơhnal klă kah hăng: Mi, Japan, Hàn Quốc, kual Mi Kô̆./.