Kơčăo bruă pioh pơdah pơkă Tơlơi pơtrun pơsit mơ̆ng Khua pơ ala mơnuih ƀôn sang, jing glông plăng tơlơi phiăn yôm phăn pioh iâo pơhrui ngăn rơnoh pok pơhai rơwang bruă apui lơtrik ayuh Ninh Thuận. Kiăo tui anun, Ding jum sĭ mơdrô dưi jao git gai, tuh pơplai ngă tui Rơwang bruă Ninh Thuận 1 hăng 2.

Amăng blan 9/2025, ding jum khom ngă giong kĭ pơkôl hăng bơnah gum hrŏm Rơwang bruă Ninh Thuận 1 hăng amăng blan 12/2025 khom ngă giong bruă bơkơtuai, kĭ pơkôl kơ Rơwang bruă Ninh Thuận 2. Jơnum min mơnuih ƀôn sang tơring čar Khánh Hòa dưi jao tañ pok pơhai bruă rit đuăi anih mơnuih ƀôn sang dô̆ hăng pơsir lŏn pioh pơdŏng. Ding jum pơtô pơhrăm git gai pơjing Akô̆ bruă pơtô pơhrăm mơnuih mă bruă gah apui lơtrik ayuh. Tơhnal ba tơbiă lĕ ngă giong ha amăng plĕ anom mă yua kơ 2 rơwang bruă amăng rơwang 2025-2026./.