Tui tơlơi pơsit, Gơnong bruă đang hmua hăng rơhuông adai lŏn mơnai Dak Lak hmâo Grŭp khua mua lĕ: 1 Khua hăng 8 Kơ-iăng Khua, 4 anom bruă mă, 9 bôh anom gah tơring čar hăng 19 boh anom mă bruă hrŏm hăng Keh prăk pơgang, pơlar glai klô hăng rơhuông adai lŏn mơnai, Anom git gai bruă plơi pla phrâo.

Amăng mông jơnum, khua Gơnong bruă hmâo jao tơlơi pơsit ruah khua, kơ-iăng khua hơdôm bôh anom, anom pơ ala hăng anom bruă gah tơring čar pioh ngă giong bruă mă, pơhlôm prăp lui ngă tui hơdôm bruă jao phun pơ̆ anăp anai. Ơi Nguyễn Minh Huấn – Khua Gơnong bruă đang hmua hăng rơhuông adai lŏn mơnai Dak Lak lăi rơđah khom pơplih phrâo tơlơi pơmin, jơlan gah mă bruă, pel ĕp glăi hơdôm bruă jao, jơlan hơdră bruă hơdôm tơhnal ba tơbiă lu ñu mơ̆ng gơnong bruă, hơdôm kơčăo bruă, akô̆ bruă, rơwang bruă pioh ngă tui dong pơ̆ anăp anai./.