Grŭp git gai Ping gah dêh čar tŭ jum Grŭp Ping gah Khul mơnuih ƀôn sang tlaih rơngai dêh čar Angola
Thứ năm, 10:39, 22/08/2024
VOV/Siu H' Prăk pơblang
VOV/Siu H' Prăk pơblang
VOV4.Jarai - Čơtlăm tom brơi (21/8) ƀơi Hà Nội, ơi Lương Cường, Ding kơna Ding jum kơđi čar, Khua Grŭp git gai Ping gah dêh čar hmâo tŭ jum laih Grŭp pơ ala gưl dlông Grŭp Ping gah Khul mơnuih ƀôn sang tlaih rơngai dêh čar Angola apăn bruă gŏng gai, yua kơ ơi Manuel Domingos Augusto, Ding kơna Ding jum kơđi čar, Khua Git gai Ping gah Gơgrong bruă pơtom hiăp ba jơlan hlâo.
Amăng mông tŭ jum, ơi Lương Cường pơtŏng sit Việt Nam lăng yôm tơlơi gum hrŏm, giăng mah, phiăn juăt mơ̆ng hlâo hăng Ping gah Khul mơnuih ƀôn sang tlaih rơngai Angola apăn bruă gong gai, hăng Kơnuk kơna hăng Mơnuih ƀôn sang Angola.
Ơi Lương Cường pơtŏng sit, Việt Nam hăng Angola hmâo lu anih anom pioh pơđĭ kyar gum hrŏm hăng rơkâo dua Ping gah đing nao git gai ngă tui ba glăi bôh tơhnal hơdôm tơlơi pơkôl hmâo kĭ kơplah wah dua bôh dêh čar. Ơi Manuel Domingos Augusto, pơtŏng sit čang rơmang kơtưn gum hrŏm hơbit, hrăm tui tơlơi găn rơgao mơ̆ng Việt Nam amăng pơđĭ kyar lŏn ia, pơhlôm dưm kơnar mơnuih mơnam, pơđĭ dlông bruă mă, pran gơgrong ƀơi jar kơmar./.
Viết bình luận