Hăng tơring čar Hưng Yên, Khua mir sir rơkâo kiăng pơtum jŭ yap glăi, dăp hơdră tuh pơ alin kơ bruă tuh tia pơkra ming hăng măi, ngă hmua djơ̆ găl; pơđĭ kyar hơdôm bruă mă tuh tia pơkra ming măi mok ia rơgơi phrâo; ngă hmua rơgoh hơdjă, pơgang anih hơdip jum dar, ngă hmua pơkra ming prong, ba yua boh thâo ia rơgơi phrâo, pơđĭ rơnoh sĭ mơdrô; pơtrut man pơdong plơi prong hiam, bơwih bơwăng klă, sĭ mơdrô tŭ yua; pơtrut pơkra ming apui yua  rơgoh, kiăng ba tơring čar Hưng Yên tañ jing anih anom phun apui yua hơdjă rơgoh amăng kual lŏn mơnai ia krông Hồng.

Rơkâo kơ ping gah tơring čar Hưng Yên, Cà Mau kơsem min, čih pioh tơlơi pơgôp hiăp mơ̆ng ding kơna ding jum kơđi čar, ding kơna khul git gai ping gah, djop anom bruă khul, grup ƀơi gơnong dlông kiăng čih pơgiong hră pơtrun yom jơnum ping gah, pơphun tŭ yua ruah khua ping gah tơring čar.