Ƀơi mông ngă bruă, khua mua hơdôm boh tơring čar lăi pơthâo hră pơ-ar yôm, hơmâo bruă kơđi čar, lăng glăi tơlơi aka ƀu dưi ngă, bruă aka ƀu djơ̆ mơ̆ng ƀing khua rơwang thun 2020-2025, tơlơi pơtrun mông jơnum, bruă ruah khua rơwang thun 2025-2030 hăng hră tơlơi pơgôp hiăp mơ̆ng Kơnuk kơna.

Khul khua git gai Ping gah tŭ yap hơdôm bruă dưi ngă prong mơ̆ hơdôm boh tơring čar hơmâo ngă, laih dong kiăng pơhmư̆ tui djŏp tơlơi pơgôp hiăp mơ̆ng Ding jum kơđi čar, Khul khua git gai ping gah, hơdôm ding jum anom bruă kiăng čih pơkra giong hră pơtrun hăng bruă ruah mơnuih ngă khua. Ñu ăt pơtă hlâo mơn, hơdôm jơlan hơdră ngă bruă amăng rơwang thun pơ anăp khŏm nao hrŏm hăng tơlơi pơtrun prong mơ̆ng Kơnuk kơna, thâo mơneč mă tơlơi gêh gal lơ̆m ngă bruă tui gong gai dua gưl, laih dong lăng glăi djŏp tơlơi aka ƀu dưi ngă mơ̆ng rơwang thun 2020-2025 kiăng hơmâo hơdră pơsir tañ./.