Khua mua Ping gah, kơnuk kơna hơmâo pơphun mông ngă lơphet yôm phăn hloh, hơdor glăi gru grua hing ang mơng lŏn ia: Mơng sa boh dêh čar ayăt sua mă, tui tơlơi git gai mơng Ping gah Cộng sản Việt Nam, djop djuai ania hơmâo tơgŭ hơkrŭ, blah pơrai ayăt, akŏ pơjing dêh čar Việt Nam rơngai, ngă pô, kơnuk kơna kơ mơnuih ƀôn sang, yua mơnuih ƀôn sang hăng tui mơnuih ƀôn sang.

Hrŏm hăng tal ngă lơphet hơdor glăi lĕ mông tơhan rơbat pơtrui hăng tơlơi mut hrŏm mơng 16.000 čô mơnuih apăn bruă, ling tơhan, kông ang hrŏm hăng ƀing pơ ala mơnuih ƀôn sang, djop djuai ania…amăng grup rơdêh pơnah kơnông tơhan rơbat pơtrui hơmâo wŏt tơhan sơlup, rơngĭt adai, tơhan pơnah kơnông, rơdêh asar…hăng lu rơdêh pơkŏn dong. Ling tơhan 4 boh dêh čar Nga, Khač, Lao, Kur ăt ba tơhan rai ngă lơphet hrŏm.

Tal ngă lơphet pioh hơdor, pơtrui tơhan kiăng pơsit tong kơdrưh ang, tơlơi yôm prong hloh mơng tal ngă hơkrŭ blan 8 hăng akŏ pơjing dêh čar Việt Nam Dân chủ cộng hòa, ră anai lĕ dêh čar Cộng hòa xã hội chủ nghĩa Việt Nam amăng gru grua hing ang amăng blah ayăt, wai pơgang lŏn ia tui tơlơi git gai mơng Ping gah Cộng sản Việt Nam.

Mơng anun hơkrŭ pran đăo gơnang mơng Ping gah, abih bang mơnuih ƀôn sang amăng tơlơi git gai mơng Ping gah Cộng sản Việt Nam; đăo gơnang nao jơlan gah mơng Ping gah lơm ba tơbiă hơdôm hơdră bruă yôm phun kiăng ba lŏn ia ta yak nao rơnuk pơplih phrâo.