Sit biă ñu djă pioh pran gơgrong, ba gru amăng mơnuih apăn bruă Ping gah, sit biă ñu ƀing khua mua, mơnuih wai lăng, khua apăn akŏ hơdôm anom bruă kiăng rang kơđiăng dơlăm dong amăng tơlơi pơmĭn, bruă mă, gru hơdip mơng Khua mir sir Hồ Chí Minh. Pơgang pơgăn hơdôm tơlơi pơmĭn soh glăi, pran hơdip ƀu hiam hăng hơdôm tơlơi ngă kiăng arăng ƀuh ƀơi anăp, pơplih mă amăng hơdôm anom bruă.

Khua git gai Ping gah ƀôn prong Hà Nội Đinh Tiến Dũng brơi thâo, amăng tơlơi pơsit mơng Ping gah dêh čar, Ping gah ƀôn prong Hà Nội lĕ sa amăng hơdôm anih anom ba jơlan hlâo đơ đam dêh čar hăng hơdră ngă klă, hơdră ngă phrâo, pơčeh phrâo amăng bruă hrăm hăng ngă tui tơlơi pơmin, pran jua, kơnuih Hồ Chí Minh.

Pơtŏng sit, ngă tui hơdôm bôh tơhnal dưi ngă, pơ̆ anăp anai Ping gah ƀôn prong Hà Nội pơsit dong bruă hrăm hăng ngă tui tơlơi pơmin, kơnuih Hồ Chí Minh lĕ sa bôh yôm, yôm phăn biă mơng bruă pơdŏng, pơplih pơkra Ping gah, djru pơdŏng Ping gah Hà Nội sit nik klă hiam, kơjăp kơtang, djru ngă giong hơdôm bruă kơđi čar mơng ƀôn prong:

 “Pơplih phrâo kơtang tơlơi pơmin, hơdră ngă, tơhnal gơgrong hlâo, pơčeh phrâo, khut khăt, ba glăi bôh tơhnal, djơ̆ hăng hơdră pơphun phrâo hăng lăi djơ̆ hăng bôh nik hmâo mơng plơi prong jưh jom. Ha sa, na nao tơhnal pơkă pơjing mơnuih Hà Nội klă hiam, thâo rơgơi, ngă tui hơdôm nua yôm ană mơnuih dơlăm mơng Thăng Long – Hà Nội ha rơbâo văn hiến. Pơkĕ hrăm hăng ngă tui tơlơi pơmin, pran jua, kơnuih Hồ Chí Minh hăng ngă tui hơdôm Tơlơi pơkă dŏ dŏng ƀong huă, pơhiăp tlao mơng mơnuih apăn bruă, mơnuih mă bruă amăng hơdôm bôh ƀirô gah ƀôn prong Hà Nội; Tơlơi dŏ dŏng ƀong huă, pơhiăp tlao ƀơi anih lu mơnuih amăng ƀôn prong hăng Kơčăo bruă hruă kơjăp tơlơi phiăn, phiăn mă bruă čar; pơplih phrâo jơlan gah, kơnuih mă bruă, pơjing tơlơi pơplih kơtang, klă amăng ngă tui bruă mă mơng mơnuih apăn bruă, mơnuih mă bruă ƀôn prong Hà Nội”.