Anai lĕ bruă mă hrŏm hơbit ngă kiăng djă jă tơlơi khăp, hơdor tơngia, pơtruh brơi hơdôm klăk čô mơnuih ƀôn sang Việt Nam kiăng hrŏm hơbit mơ-it nao pơ kual ataih guai dêh čar lu gơnam yom pơphăn biă mă hăng bơngăt jua.

Bruă ngă anai, dŏ amăng jơlan hơdră anăn Kâo khăp kơ Lŏn ia kâo yua Khul grup anom bruă tơdăm dra mut phung Việt Nam pô ngă, anăp nao mơak 80 thun Hrơi hơkrŭ blan 8 hăng Hrơi akŏ pơdong kơnuk kơna lŏn ia CHXHCN Việt Nam, lơ 2/9. Ƀơi Dak Lak, bruă ngă anai hlăk pok pơhai hăng ngă tui hur har biă mă pôr pơthâo amăng plang internet facebook, kơnang kơ bruă anai, ƀơi lu plơi pla ăt ngă hrŏm soh. Amăng anun, pơtrut kơtang bruă ngă anăp nao kơ mơnuih ƀôn sang tơnap tap, biă mă ñu mơnuih ƀôn sang ƀun rin dŏ ƀơi kual giăm guai dêh čar.