Amăng mông jơnum, ƀing khua mua mơng dua bơnah hơmâo pơlăi nao rai, pơčrông sai dơlăm hơdôm boh tơhnal hăng tơlơi sit nik kơ bruă pơjing tơlơi bơwih ƀong huă rơngai, ngă pô, mơng anun ngă rơđah dong sa, dua boh tơhnal mơ̆ dua bơnah đing nao anun lĕ: pơplih tơlơi pơmĭn hăng hrưn đĭ pran kơtang amăng lăm kiăng pơđĭ kyar; ngă gêh gal brơi bruă tuh pơ alin sĭ mơdrô; ngăn rơnoh hăng anŏ pơtrut brơi bruă pơjing tơlơi bơwih ƀong huă rơngai; hơmâo djop anih anom sĭ mơdrô, hrưn đĭ boh thâo hluai tui tơlơi bơwih ƀong amăng rơnuk mut hrŏm jar kmar jai dơlăm, pok prong.

Ƀing khua mua tŭ ư brơi thâo, bruă pơjing hăng pơđĭ kyar tơlơi bơwih ƀong huă rơngai, ngă pô lĕ kiăng biă mă hăng rĭm boh dêh čar, sit biă ñu amăng rơnuk ră anai.