Mơguah lơ 29/8, ƀơi sang jơnum prong Diên Hồng, Sang bruă khua pơ ala mơnuih ƀôn sang dêh čar, anom bruă khua pơ ala mơnuih ƀôn sang dêh čar, sang hră kơđi čar dêh čar Hồ Chí Minh hăng sang bruă in hơdrôm hră Kơđi čar tơlơi tơpă sit, jơnum pơčrong sai bơkơtuai boh thâo ia rơgơi tui akŏ pia “55 thun ngă tui Hră pơtă pơtăn mơ̆ng Khua mir sir Hồ Chí Min amăng djop sang bruă kơnuk kơna ƀơi gơnong dlông (1969-2024)”. Pơhiăp ƀơi mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn lăi, 55 thun laih rơgao, tơlơi pơmin, hră pơtă pơtăn mơ̆ng Wa nao hrŏm hăng mơnuih ƀôn sang djuai ania, pơčrang bơngač, čung ba abih bang ping gah, ling tơhan kjăp pran jua hăng tong ten hăng bruă mă, tơlơi pơmin hơkrŭ mơ̆ng Ñu, djă pioh, tŏ tui boh tơhnal tŭ yua hiam klă bruă hơkrŭ hing ang mơ̆ Wa tơl abih tơlơi hơdip pô Ñu pơyơr hăng tuh rơyuh kơ lŏn ia.

Thun blan pơ anăp, Khua git gai pơ ala mơnuih ƀôn sang dêh čar ta rơkâo, kiăng ngă tui re se hloh, krăo tui kơ tơlơi git gai, pơčrâo ba mơ̆ng ping gah gơnong dlông, Ding jum kơđi čar, pơgang kjăp tơlơi phiăn mă bruă mơnuih ƀôn sang ngă pô, pơđĭ tui tơlơi gơgrong ba git gai, asar pơjeh aliăng phun kơđi čar mơ̆ng djop sang bruă ping gah, blung hlâo lĕ pơtum ngă tui klă bruă kơđi čar tơlơi pơmin, hơkrŭ kơdong, bong glăi hăng tơlơi pơčeh mă ča čot soh sat ƀing ayăt roh lăi kơ ta, kiăng kjăp tơlơi pơmin pơgang atur tơlơi pơmin mơ̆ng Ping gah pơjing laih.