Amăng hơdôm hrơi rai čuă jơmư gưl kơnuk kơna pơ Việt Nam, lơ 11/9, Khua lŏn ia Australia, yă Sam Mostyn hăng Rơkơi ñu nao jơnum hrŏm bơkơtuai Việt Nam-Australia rim thun tal 3 ƀơi Hà Nội.

Lăng yom hơdôm boh tơhnal ngă hrŏm tŭ yua giăng mah yom phara plah wah Việt Nam hăng Australia, Khua Lŏn ia Australia, yă Sam Mostyn lăi lĕ, amăng thun 2025, dua boh dêh čar amra pơtrut hrŏm hơbit pơsir hĭ hơdôm tơlơi lông lăng tơnap tap mơ̆ng rơnuk anai:

Kah hăng tơlơi pơblih ƀu klă amăng bruă sĭ mơdrô ƀơi rŏng lŏn tơnah, rơnoh pơđĭ kyar bơwih ƀong huă, pơblih yua mrô, pơblih apui yua, anŏ pơblih ayuh hyiăng lŏn tơnah, tơlơi bơkơnar rơkơi bơnai hăng pơblih bruă mă amăng kơnuk kơna. Ƀơi mông jơnum bơkơtuai, ƀing khua mua pơ ala nao jơnum pơčrong sai lăi nao lu tơlơi pơblih phrâo ƀơi Việt Nam, hơmâo wơ̆t bruă čih pơkra tơlơi phiăn dêh čar, pơblih yua mrô, mut phung jar kmar hăng pơđĭ kyar bruă gah mơnuih ƀôn sang ngă pô. Tal jơnum anai ăt čih pioh tơlơi djru ba sui thun mơ̆ng dêh čar Australia amăng bruă pơđĭ kơtang tơlơi thâo amăng bruă mă gah tuh tia pơkra ming hăng pơđĭ kyar mơnuih mă bruă ƀơi Việt Nam.