Nao pơhmư̆ hăng pơhiăp amăng mông Jơnum, Kơ-iăng Khua mir sir dêh čar yă Võ Thị Ánh Xuân djă pioh hăng pơsit yôm hơdôm bôh tơhnal dưi ngă mơ̆ng mơnuih mă bruă gah hơdăng bôh pơtâo - lŏn čuah Việt Nam. hrŏm hăng hơdôm bôh than anun, TKV ăt kiăng tơpă lăng mơn hơdôm bruă akă dưi ngă, kah hăng: tơlơi akă ha amăng plĕ amăng pok pơhai bruă pơphun ƀơi sa dua bôh anom bruă, ƀudah bruă mă yua anăn amăng măi kompiutơr dô̆ kaih.

Kơ-iăng Khua mir sir dêh čar yă Võ Thị Ánh Xuân rơkâo TKV amăng rơwang 2025-2030 ngă tui dong phiăn juăt yôm phăn "Tơlơi pơkă hăng ba pran jua”, ngă tui truh kih hơdôm tơhnal ba tơbiă Tơlơi pơtrun pơsit Jơnum Ping gah Grŭp tal IV hmâo ba tơbiă. Đing nao amăng hơdôm bruă bơkơtưn khăp kơ lŏn ia nao hrŏm hăng pơplih mrô, pơplih phrâo bruă bơwih ƀong huă, pơhlôm kơ mơnuih mă bruă hăng pơđĭ dlông tơlơi hơdip mơda mơnuih mă bruă. Biă ñu, khom đing nao thâo, pơhrăm brơi dong mơnuih phrâo, apah bơni hmao tlôn, pơdah rơđah, đing nao mơnuih mă bruă ƀơi anăp, hrưn đĭ mơ̆ng 5 -10% mrô khul grŭp, mơnuih dưi bơni apăh pri bơhmu hăng rơwang hlâo./.