Đĭ pơhiăp amăng mông jơnum, Khua dêh čar ơi Phạm Minh Chính lăi pơtong, bruă đing nao đăo lăng hlâo, pơhŭi hlâo kơ tơlơi pơčuih ngă rung răng amăng rơnuk phrâo; hơmâo kơsem min tong ten, kiăo tui lăng sit nik, mơng anun ba tơbiă hơdră lăp djơ̆. Pơ anăp anai, Khua dêh čar rơkâo hrưn đĭ hluh rơđah dong kơ hơdôm tơlơi pơčuih ngă rung răng amăng rơnuk phrâo; pơtô pơblang, pơtô hrăm, tañ ĕp ƀuh hơdôm tơlơi pơčuih ngă rung răng phrâo ră anai.

Khua dêh čar rơkâo ding jum kông ang đing nao pơtô hrăm, thâo tui amăng bruă mă brơi ƀing apăn bruă mut hrŏm pơgang, pơgăn hơdôm tơlơi pơčuih ngă rung răng amăng rơnuk phrâo; ječ ameč gum hrŏm hăng djop ding jum, gơnong bruă pơjing hăng ba tơbiă akŏ bruă pok pơhai hơdră bruă đơ đam dêh čar amăng pơgang, pơgăn hơdôm tơlơi pơčuih ngă rung răng amăng rơnuk phrâo truh thun 2030, anăp nao truh thun 2045.