Tom brơi (21/8), Jơnum min djop djuai ania mơnuih mơnam dêh čar Việt Nam tơring čar Dak Nông pơphun Jơnum khua pơ ala tal 5, rơwang bruă 2024-2029  hăng anăn ñu pơđĭ dlông bruă mă phun kơđi čar mơ̆ng Jơnum min djop djuai ania mơnuih mơnam dêh čar Việt Nam; ngă tui tơpă, kơtưn pran kơtang gum hrŏm hơbit abih bang mơnuih ƀôn sang; pơplih phrâo bôh tơhnal bruă Jơnum min, djru pơdŏng Dak Nông pơdrŏng asah, thâo rơgơi.

Ơi Nguyễn Phú Nghĩ, Kơ-iăng Khua Jơnum min djop djuai ania mơnuih mơnam dêh čar Việt Nam tơring čar Dak Nông pơtŏng sit, Jơnum tal 5 hmâo ba tơbiă lu bruă mă phrâo, ngă hiưm hơpă pioh Jơnum min djop djuai ania mơnuih mơnam dêh čar Việt Nam hơdôm gưl amăng tơring čar ngă tui bruă mă, biă ñu amăng lăng tui hăng lăi glăi mơnuih mơnam. Jơnum hmâo bơkơtuai ruah tơbiă 69 čô Ding kơna Jơnum min djop djuai ania mơnuih mơnam dêh čar Việt Nam tơring čar Dak Nông tal 5 rơwang bruă 2024-2029. Amăng mông jơnum tal sa, ƀing ding kơna hmâo bơkơtuai ruah yă Hà Thị Hạnh, Ding kơna Grŭp apăn bruă Ping gah tơring čar, Khua Grŭp pơtô ba mơnuih ƀôn sang ngă Khua Jơnum min djop djuai ania mơnuih mơnam dêh čar Việt Nam tơring čar Dak Nông tal phrâo. Jơnum ăt bơkơtuai mơn ruah grŭp mơnuih pơ ala nao pơhmư̆ Jơnum Khua pơ ala đơ đam dêh čar  Jơnum min djop djuai ania mơnuih mơnam dêh čar Việt Nam tal 10 hmâo 6 čô mơnuih pơ ala sit nik, 2 čô khua pơ ala pơhlôm hlâo./.