Tui him lăng, Khua pơ ala mơnuih ƀon sang dêh čar jơnum pơƀut ƀơi Ƀirô mă bruă hăng amra pơphun 2 wŏt: Tal sa mơng lơ 22/5 truh lơ 10/6 hăng tal 2 mơng lơ 19/6 truh lơ 23/6. Jơnum tal anai, khua mua amra sem lăng, tŭ yap 8 črăn tơlơi phiăn hơmâo: Tơlơi phiăn wai pơgang tơlơi dưi mơng mơnuih blơi gơnam (čih pơkra glăi); tơlơi phiăn bơkơtưn man pơdong (čih pơkra); tơlơi phiăn nua sĭ gơnam (čih pơkra); tơlơi phiăn sĭ mơdrô amăng plang internet (čih pơkra glăi); tơlơi phiăn bơwih ƀong hrŏm (čih pơkra glăi); tơlơi phiăn wai pơgang amăng plơi pla; tơlơi phiăn čih pơkra, pơhrua sa, dua črăn amăng tơlơi phiăn kông ang; tơlơi phiăn čih pơkra, pơhrua sa, dua črăn amăng tơlơi phiăn tơbiă hyu pơ tač rơngiao, mut rai lŏn ia mơng mơnuih ƀon sang Việt Nam hăng tơlơi phiăn mut rai, tơbiă hyu gah rơngiao, dŏ hơdip pơ tač rơngiao ƀơi Việt Nam.

8 črăn tơlơi phiăn ăt amra hơmâo khua mua pơgôp hiăp, hơmâo: Tơlơi phiăn lŏn mơnai (čih pơkra glăi); tơlơi phiăn sĭ lŏn mơnai (čih pơkra glăi); tơlơi phiăn lŏn sang(čih pơkra); tơlơi phiăn ia yua (čih pơkra glăi); tơlơi phiăn dăng kông (čih pơkra glăi); tơlơi phiăn wai lăng hơdôm ring bruă ling tơhan hăng puih kơđông tơhan; tơlơi phiăn căn cước công dân (čih pơkra glăi); tơlơi phiăn brơi čan prăk (čih pơkra glăi).