Tal jơnum tơña hăng lăi glăi tơlơi tơña pơphun mơ̆ng mơguah anai lơ 21/8 truh abih mông mơguah pơgi lơ 22/8. Amăng mơguah anai, tơdơi kơ Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn pơhiăp pok phun, Khua čih pioh Khua pơ ala mơnuih ƀôn sang dêh čar, Khua Anom bruă Khua pơ ala mơnuih ƀôn sang Bùi Văn Cường lăi pơthâo glăi bôh yôm pel ĕp mơ̆ng Khul djuai ania, hơdôm Jơnum min mơ̆ng Khua pơ ala mơnuih ƀôn sang, Tơlơi lăi pơthâo glăi gum pơhiăp mơ̆ng Grŭp apăn bruă bơwih brơi kơ mơnuih ƀôn sang kơ bruă ngă tui hơdôm tơlơi pơtrun pơsit mơ̆ng Jơnum min apăn bruă Khua pơ ala mơnuih ƀôn sang dêh čar kơ lăng tui akô̆ bruă hăng tơña mơ̆ng akô̆ rơwang bruă Khua pơ ala mơnuih ƀôn sang dêh čar ta tal 15 truh abih thun 2023.

Tơdơi kơ anun, ƀing khua pơ ala mơnuih ƀôn sang amra tơña ƀing khua Ding jum, Khua Gơnong bruă kơ ngă tui hơdôm tơlơi pơtrun pơsit mơ̆ng Jơnum min apăn bruă Khua pơ ala mơnuih ƀôn sang kơ lăng tui akô̆ bruă hăng tơña mơ̆ng akô̆ rơwang bruă Khua pơ ala mơnuih ƀôn sang truh abih thun 2023 pioh kơ bruă đang hmua hăng hăng pơđĭ kyar plơi pla; sĭ mơdrô; bôh thâo, bơkơjăp drơi jăn hăng tuai čuă ngui./.