Jơnum min pơ ala mơnuih ƀôn sang tơring čar Dak Lăk pok pơphun jơnum tui akŏ bruă tal 1
Thứ năm, 11:00, 17/07/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Mơguah lơ 16/7, Jơnum min pơ ala mơnuih ƀôn sang tơring čar Dak Lăk tal 10, rơwang bruă 2021-2026 pok pơphun Jơnum akŏ bruă tal sa kiăng hmao kru pơsir hĭ tơlơi tơnap, čih pơkra giong tơlơi phiăn kơ gong gai dua gưl dưi mă bruă tŭ yua.
Jơnum pơƀut sem lăng, pơsit lu tơlơi kiăng ječ kah hăng: pơplih glăi bruă tuh pơ alin kơnuk kơna gơgrong ngă, pơhrua prăk mă yua re se kơ hơdôm jơlan hơdră dêh čar pơtrun, pơtrun lu hơdră djru kơ ƀing khua, mơnuih mă bruă ƀơi sang bruă phrâo hăng čih pơkra hơdră đĭ kyar 6 blan rơnuč thun 2025.
Yă Cao Thị Hòa An - Kơ-iăng khua ping gah, Khua Jơnum min pơ ala mơnuih ƀôn sang tơring čar Dak Lăk pơsit, tơdơi kơ pơphun ngă hơbô̆ bruă gong gai dua gưl mơ̆ng lơ 1/7, gong gai phrâo hơđong laih. Khua jơnum min pơ ala mơnuih ƀôn sang tơring čar kiăng ƀing khua gơgrong bruă hloh, pơčrông sai tong ten, pơgôp hiăp djơ̆ lăp čih ngă hră pơ-ar djơ̆ hăng tơlơi kiăng sit nik, kiăng đĭ kyar kjăp hăng hơkrŭ kjăp pran kơnang mơ̆ng mơnuih ƀôn sang./.
Viết bình luận