Jơnum min pơ ala mơnuih ƀôn sang tơring čar Gia Lai jơnum pơčrông ngă giong bruă brơi prăk hăng tuh pơ alin
Thứ tư, 10:00, 23/07/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Mơguah lơ 22/7, Jơnum min pơ ala mơnuih ƀôn sang tơring čar Gia Lai tal 12 pơphun jơnum lok 2 či pơčrông sai kơ lu tơlơi yôm phun bơdjơ̆ nao prăk kăk, prăk pioh či ngă bruă, tuh pơ alin bruă kơnuk kơna jao hăng dăp anom bruă kơnuk kơna tơdơi kơ pơmut hrŏm.
Jơnum tal anai djru ngă giong tơlơi phiăn kiăng gong gai dua gưl mă bruă tŭ yua. Jơnum min mơnuih ƀôn sang tơring čar Gia Lai glăk pơtrut tañ man pơkra hơdôm kơčăo bruă yôm phun kah hăng: Jơlan rơdêh por por đĭ hăng plĕ trun mrô 2 ƀơi Tơdron rơdêh por Phù Cát; jơlan rơdêh đuăi hmar Quy Nhơn - Pleiku; Kual sang măi hăng tơdrun tum păn Phù Mỹ; Kual plơi prong bơwih bơwang brơi CK54; hăng Kual sang măi gah dơnung plơi prong Pleiku.
Khua ping gah tơring čar Gia Lai ơi Hồ Quốc Dũng kiăng lăng glăi abih bang rơnoh pơkă, bruă jao, tơlơi phiăn, hơdră hơmâo ba tơbiă mơ̆ng tơring čar Gia Lai hăng Bình Định či pơtŏng glăi tơlơi dưi ngă amăng hrơi mông ngă bruă tui gong gai phrâo tơdơi kơ pơmut hrŏm./.
Viết bình luận