Bruă prap lui tal plĕ hră ruah Khua pơ ala mơnuih ƀôn sang dêh čar tal XVI hăng khua mua jơnum min pơ ala mơnuih ƀôn sang djop gưl rơwang thun 2026-2031 pơphun amăng hrơi mông yôm phăn, anai lĕ tal hơdor glăi 80 thun akŏ pơjing kơnuk kơna, anăp nao tal hơdor glăi 80 thun plĕ hră ruah Khua pơ ala mơnuih ƀôn sang dêh čar Việt Nam tal blung a, bruă pơphun dưm dăp anih anom glăk hơmâo ngă tui khut khăt, anăp nao Jơnum khua mua đơ đam dêh čar tal XIV mơng Ping gah kah hăng amăng hrơi blan jar kmar hơmâo lu tơlơi pơplih, pơđĭ kyar amăng pơplih mrô.

Pơđut hĭ mông jơnum, Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải lăi pơtong, grup pôr pơhing, pơtô pơblang arăng jao djru khul plĕ hră ruah khua dêh čar git gai, črâo ba bruă pôr pơhing, pơtô pơblang hăng pơtrut nao plĕ hră. Anai lĕ bruă jao yôm phăn, pơgôp ba glăi tơlơi truh kih mơng tal plĕ hră. Yua anun, ƀing ding kơna amăng grup kiăng gơgrong hloh, gum hrŏm kjăp kiăng pơplôm brơi tal plĕ hră pơphun rơnuk rơnua, ba glăi boh tŭ yua klă hloh.