Him lăng, tơring čar hơmâo 317 kơčăo bruă, hơmâo rơbêh 100 kơčăo bruă hơmâo mơ̆ng thun hlâo hăng rơbêh 200 kơčăo bruă phrâo ngă. Prăk ngă bruă tuh pơ alin rơwang găp ƀrô giăm 140 rơbâo klai. Amăng anun, prăk mơ̆ng tơring čar hơmâo năng ai 76 rơbâo klai, prăk mơ̆ng Gơnong dlông djru rơbêh 58 rơbâo klai, hăng 340 klai mă mơ̆ng tơlơi djru phara tui Tơlơi pơtrun mrô 55 mơ̆ng Khua pơ ala mơnuih ƀôn sang dêh čar.

Khul khua apăn bruă Ping gah tơring čar Khánh Hòa kiăng Ping gah Jơnum min mơnuih ƀôn sang tơring čar hrŏm hăng hơdôm gơnong bruă, anom bruă pơtŏng rơđah tơlơi kiăng ječ mơ̆ng rim kơčăo bruă, ngă hơdôm ring bruă yôm phun ƀơ̆i hlâo, bơwih brơi mơnuih ƀôn sang, laih dong nao hrŏm hăng ngă tui tơlơi pơtrun mơ̆ng Kơnuk kơna hăng tơring čar.