Lơ 10/9, amăng mông mă bruă hăng Jơnum min mơnuih ƀôn sang tơring čar  Khánh Hòa, Kơ-iăng khhua Ding jum djuai ania hăng tơlơi đăo Hồ Văn Niên lăi pơtong kơ tơlơi rơkâo ječ lĕ kơtưn wai lăng kơnuk kơna kơ bruă djuai ania, tơlơi đăo, pơhlôm ngă tui hruaih hơbô̆ bruă gong gai ƀon lan 2 gưl, pơlir hăng bruă jao hrưn đĭ tơlơi hơdip mơda, pơhrŏ trun ƀun rin hơđong kjăp brơi mơnuih djuai ania ƀiă. Tơdơi kơ pơmut hrŏm hăng tơring čar Ninh Thuận, tơring čar Khánh Hòa phrâo hơmâo rơbêh 2,2 klăk čô mơnuih. Tơring čar hơmâo 36 djuai ania ƀiă hăng 290 rơbâo čô, dưm dưm rơbêh 13% mrô mơnuih đơ đam tơring čar; hơmâo 12 tơlơi đăo hăng giăm 900 sang jơnum pơƀut, 650 rơbâo čô mơnuih tui đăo hăng giăm 8.800 khua khul đăo, mơnuih kŏm drơi jăn tui đăo.

Hơdôm thun rơgao, Khánh Hòa đing nao tuh pơ alin pơđĭ kyar kual mơnuih djuai ania ƀiă. Rơwang thun 2021-2025, mrô sang anŏ ƀun rin amăng kual hrŏ trun rơbêh 5% rĭm thun. Tơring čar hơmâo pơgiong jơlan hơdră ruh pơkra glăi sang dŏ jang jai, sang tơ̆i phŏ tañ ƀiă 4 blan pơhmu hăng tơlơi pơkă, hăng 3.500 boh sang man pơdong phrâo hăng pơkra ming.