Khua dêh čar ơi Phạm Minh Chính lăi rơdah: brơi prăk ngă bruă kơnuk kơna thun 2025 hơmâo lu tơlơi pơplih tŭ yua. Amăng 8 blan rơgao, dêh čar ta hơmâo brơi prăk tuh pơ alin 409 rơbâo klai, hơmâo 46,3% mrô pơkă Khua dêh čar jao, đĭ 5,9% kơ mrô rơnoh hăng đĭ giăm 135,3 rơbâo klai kơ mrô prăk sit nik pơhmu hăng thun 2024.

Khua dêh čar iâu pơthưr pơtrut tui pran jua gơgrong bruă brơi prăk tuh pơ alin ngă bruă kơnuk kơna jao, nao hrŏm ha pran găn rơgao tơnap tap, lông lăng, ƀu pioh dun, ngă kaih, “anăm ngă ôh hơmâo prăk mơ̆ ƀu dưi mă yua”; ruah djơ̆ pô gơgrong man pơdong djơ̆ hăng tơlơi ƀuăn, djơ̆ hrơi pơkă, laih anun krăp lăng rim rơwang hrơi tơjuh, hmao kru plih hĭ pô gơgrong bruă ngă bruă tơdu. Mơ̆ng anun, pơtrut brơi prăk tuh pơ alin ngă bruă čar, pơhlôm djơ̆ hrơi pơkă, tŭ yua, pơđĭ tui anŏ klă, kjăp mơ̆ng djŏp ring bruă, djơ̆ tơlơi phiăn, huăi hơmâo tơlơi soh glăi, hưp ham, prai kăk đôč đač ôh.