Pơhiăp ƀơi mông jơnum, Khua dêh čar ơi Phạm Minh Chính brơi thâo, mơ̆ng akŏ rơwang bruă truh kơ ră anai, Kơnuk kơna hơmâo pơphun 42 wơ̆t jơnum bruă čih pơkra tơlơi phiăn, amăng anun, mơ̆ng akŏ thun 2025 truh ră anai, hơmâo pơphun jơnum 9 wơ̆t laih; sem lăng, pơgôp hiăp kơ năng ai 80 hră tơlơi phiăn, tơlơi pơtrun.

Mơ̆ng anai truh kơ hrơi pơphun Jơnum lok 10, ƀu sui dong tah, bruă kiăng prăp rơmet prong biă mă, Khua dêh čar lăi, bruă kiăng ngă prong biă, hơmâo anŏ tơnap kơtang mơn. Yua hnun kiăng ƀing khua ding jum, khua anom bruă bơkơnar hăng ding jum gir kơtang hloh, ngă bruă khut khăt, tŭ yua, kiăng ngă giong bruă jao anun lĕ čih pơkra, ngă giong abih tơlơi phiăn, ƀơi anăp lĕ pơhlôm klă, tañ hmao klôn djŏp tơlơi phiăn, tơlơi pơtrun pơdah thâo pơ Khua pơ ala mơnuih ƀôn sang dêh čar pơsit brơi./.