Pơhiăp amăng mông jơnum, Khua dêh čar ơi Phạm Minh Chính lăi rơđah bruă dưm dăp anom bruă čar hơdôm gưl hăng pơphun bruă gong gai 2 gưl lĕ bruă jao bơdjơ̆ nao truh pơphun hăng bruă mă mơ̆ng hơdôm bôh ƀirô, khul grŭp hăng mơnuih ƀôn sang.

Yua anun, khom pơsit anai ăt lĕ bruă jao ječ, yôm phăn, ƀu pioh bruă dưm dăp pơphun jơlan gah mă bruă ngă tơ̆i đưn hĭ bruă mơ̆ng hơdôm ƀirô, bruă bơwih ƀong huă sĭ mơdrô hăng bruă mă rim hrơi mơ̆ng mơnuih ƀôn sang, anom bơwih ƀong. Khua dêh čar rơkâo tañ pơjing, ngă giong glông bruă tơlơi phiăn bơdjơ̆ nao pơphun bruă gong gai 2 gưl. Ngă klă bruă dưm dăp, pơpha hăng pơsir khul mơnuih apăn bruă, mơnuih mă bruă lu đơi, dưm dăp ƀirô mă bruă, anom bruă gơnam tam hăng hơđong bruă mă ƀơi hơdôm bôh anom bruă čar phrâo./.