Amăng mông mă bruă, Khua dêh čar ơi Phạm Minh Chính hơmâo hmư̆ khua mua Ding jum ngă hmua hăng ayuh hyiăng lŏn mơnai; khua mua ƀôn prong Huế hăng hơdôm boh tơring čar Quảng Trị, Hà Tĩnh, Nghệ An, Thanh Hoá…lăi pơthâo bruă pơhlôm hlâo kơthel mrô 5. Hăng pran jua “pơgang hloh hăng pơgăn”, Khua dêh čar rơkâo kiăng prap lui klă hloh. Khua dêh čar lăi pơtong, bruă pơhlôm hlâo kơthel mrô 5 lĕ kiăng pơgang brơi mơnuih ƀôn sang lĕ yôm hloh.

Khua dêh čar rơkâo djop gưl, gơnong bruă hăng gong gai ƀon lan gơgrong prap lui mơng anai mơtăm, hăng pran jua prap lui klă hloh; laih dong pel ĕp glăi tong ten, prap ngă tui djop mơta. Khul git gai dêh čar amăng wai pơgang hơmâo akŏ pơjing gơnong bruă git gai ƀơi anom bruă git gai ling tơhan Quân khu 4, ngă anom bruă wai lăng, gum hrŏm kjăp hăng Ding jum ngă hmua hăng pơđĭ kyar ƀon lan, Ding jum ayuh hyiăng lŏn mơnai hrŏm hăng hơdôm anom bruă bơdjơ̆ nao.