Khua dêh čar ơi Phạm Minh Chính bơni hơ-ơč kơ ơi Nguyễn Hòa Bình, ơi Hồ Đức Phớc, ơi Bùi Thanh Sơn đĭ ngă kơ-iăng khua dêh čar; ơi Đỗ Đức Duy ngă Khua ding jum kông ngăn lŏn mơnai hăng ayuh hyiăng, ơi Nguyễn Hải Ninh đĭ ngă khua ding jum Tơlơi phiăn. Anai lĕ tơlơi pơhing mơak prong laih anun tơlơi glăm ba kơtrâ̆o mơ̆n mơ̆ng Ping gah, Kơnuk kơna đăo kơnang hăng jao brơi.

Khua dêh čar čang rơmang ƀing khua mua phrâo pơđĭ bruă anai djă bong kjăp tơlơi thâo, anŏ kơtang gêh găl mơ̆ng pô ta, tơlơi thâo thăi tom găn rơgao “Djru ba, pơpha glăm ba tơlơi tơnap” hrŏm hăng khua mua amăng kơnuk kơna dêh čar, pơđĭ tui tơlơi gum pơgôp, tŭ ư sa pran jua, mă bruă tơpă, thâo pơčeh phrâo, ngă pơgiong hiam klă bruă jao; abih pran jua mă bruă kơ lŏn ia, bơwih brơi kơ mơnuih ƀôn sang.