
6 blan akŏ thun anai, hăng pran jua mă bruă gơgrong ba sit nik, khut khăt, abih bang amăng ling tơhan prăp lui na nao bruă či blah ngă, khom thâo tong ten tơlơi pơhing, hmao kru pơsir hĭ djop tơlơi ječ ameč laih anun lăi pơthâo hăng ping gah, kơnuk kơna kiăng pơsir beč bal, djơ̆ hơdră, tŭ yua, ƀu lui dŏ kơtuă, sư̆ rơbư̆, khom pơgang tong ten tơlơi ngă pô guai dêh čar, pơhlom hơđong rơnuk rơnua amăng djop anih lơ̆m dêh čar.

Đĭ pơhiăp ƀơi mông jơnum, Khua dêh čar ơi Phạm Minh Chính lăi pơtong, hrơi blan pơ anăp, Ding jum ling tơhan kiăng ngă tui klă bruă lăi pơthâo hăng ping gah, kơnuk kơna hăng djop jơlan hơdră pơtrun yom gah ling tơhan, pơgang lŏn ia; thâo tañ hmar tơlơi pơhing, pơtong glăi rơđah, lăi pơthâo hlâo tơlơi pơhing, hmao pơsir hĭ, rơ-un rơmuăn kah hăng kơjăp huin, tŭ yua djop tơlơi, boh nik ñu amăng bruă pơgang tơlơi dưi ngă pô lŏn ia. Hrŏm hăng anun, tañ pơphun hăng pok pơhai lu akŏ bruă gah ling tơhan, pơgang lŏn ia, ngă tui sa amăng plĕ, tŭ yua klă hăng djơ̆ găl tơlơi git gai amăng kơnuk kơna.
Viết bình luận