Tlam lơ 25/8, ƀơi plơi prong Đà Lạt, tơring čar Lâm Đồng, Khua dêh čar ơi Phạm Minh Chính mă bruă hăng Khul khua mua apăn bruă phun ping gah Lâm Đồng pioh pơtong glăi boh tơhnal ngă tui pơđĭ kyar bơwih ƀong huă thun 2023, hơdôm blan akŏ thun 2024 hăng pơčrong sai bruă či ngă amăng rơnuč thun laih anun hơdôm thun tŏ tui pơ anăp adih; laih dơ̆ng pơtrun hiăp brơi pơsir khut khăt hơdôm tơlơi rơkâo kiăng ngă anŏ gêh găl kơtang pơđĭ kyar ƀơi tơring čar.

Thun blan pơ anăp, Khua dêh čar rơkâo kơ tơring čar Lâm Đồng gir run hloh, khut khăt hloh, pơblih phrâo tơlơi pơmin, tơlơi thâo hluh, hơdră mă bruă kiăng nao giăm hăng pơphun bruă mă, amăng anun khom kiăo tui hơdôm tơlơi pơkă amăng hră pơtrun Ping gah dêh čar, khua mua pơ ala mơnuih ƀôn sang dêh čar, mơ̆ng kơnuk kơna, Hră pơtrun mơ̆ng ping gah tơring čar; ba yua ngă tui djơ̆ jơlan hơdră ping gah, tơlơi phiăn kơnuk kơna laih anun tơlơi git gai mơ̆ng kơnuk kơna, mơ̆ng Khua dêh čar kiăng ngă giong bruă jao klă hloh, djop bruă pơtrun ngă amăng thun 2024.