Pơhiăp đĭ ƀơi mông jơnum Khua dêh čar ơi Phạm Minh Chính lăi pơtong, Jơnum anai yôm phara biă mă lơ̆m tơlơi pơhing amăng dêh čar ta hlăk yak nao amăng črăn pơđĭ kyar hmar, kơtang hloh kiăng gir run bơwih ƀong huă tui akŏ bruă 5 thun mơ̆ng thun 2021-2025, anăp nao tơhnal pơkă pơđĭ kyar truh thun 2030, lăng nao truh thun 2045.

Laih dơ̆ng, ăt djơ̆ amăng 20 thun ngă tui Hră pơtrun mrô 36 mơ̆ng Ding jum kơđi čar kơ bruă mă wai lăng mơnuih dêh čar Việt Nam dŏ ƀơi dêh čar tač rơngiao-sa črăn lăp hơdor pioh amăng bruă mă anai laih anun bruă gum pơgôp abih bang mơnuih ƀôn sang. Anai lĕ jơnum pơbưp ƀô̆ mơta khul mơnuih thâo hră hăng pơčrong sai kơ hơdôm bruă mă yôm, tŭ yua sit nik kơ bruă pơđĭ kyar lŏn ia amăng hơdôm thun pơ anăp, laih anun pơđing hmư̆ hơdôm tơlơi kiăng, anŏ čang rơmang djru pơgôp hiăp yôm pơphăn mơ̆ng mơnuih ƀôn sang Việt Nam dŏ ƀơi dêh čar tač rơngiao.