Bruă akŏ phun mơng jơnum tal anai lĕ pơlăi nao rai hơdôm tơlơi lông, tơnap tap  hăng tơlơi glăm ba mơng đah kơmơi lơm jao bruă bơwih bơwang brơi mơ̆ ƀu apah prăk hăng hrŏm hăng anun lĕ hơdôm tơlơi pơglăi hơdjơ̆ nao tơlơi glăm ba hăng gum pơgôp mơng đah kơmơi kar hăng bơkơnar đah rơkơi đah kơmơi, anŏ aka ƀu klă amăng pơtô hrăm, bruă mă, ataih amăng sang anŏ hluai tui gah đah rơkơi đah kơmơi.

Đĭ pơhiăp amăng mông jơnum, Khua dêh čar ơi Phạm Minh Chính lăi pơtong hơdôm tơlơi pơgôp prong mơng đah kơmơi, anai lĕ ƀing mơnuih djru tui tlôn kjăp phik kiăng ngă klă dong tơlơi hơdip mơng rĭm boh sang anŏ, laih dong anai lĕ ƀing ba jơlan hlâo amăng pơtrut pơđĭ kyar hơđong kjăp amăng mơnuih mơnam. Khua dêh čar ăt lăi pơthâo kơ Jơnum klah čun ngă tui hơdôm hơnong pơkă dêh čar kơ bơkơnar đah rơkơi đah kơmơi thun 2023 ƀơi dêh čar Việt Nam.