Tlam lơ 9/9, ƀơi Sang bruă ping gah, Grup mă bruă mrô 2 mơ̆ng Ding jum kơđi čar ngă bruă hăng khua pơ ala hơdôm Khul apăn bruă Ping gah tơring čar Tây Ninh, Tuyên Quang kiăng pơgôp hiăp kơ hơdôm hră pơ-ar hăng bruă ruah khua mua mơ̆ng ping gah pơdah pơƀuh pơ Jơnum ruah khua ping gah tơring čar rơwang thun 2025-2030. Grup mă bruă mrô 2 yua Khua dêh čar ơi Phạm Minh Chính git gai ngă bruă.

Tơlơi pơhiăp mơ̆ng ƀing khua mơ̆ng Ding jum kơđi čar, Khul khua git gai Ping gah  lêng kơ tŭ ư hăng hơdôm hră pơ-ar tơlơi pơtrun mơ̆ng Ping gah tơring čar Tây Ninh, Tuyên Quang, laih dong kiăng ngă rơđah thim hơdôm boh than hơmâo ngă hmư̆ hing, hơdôm tơlơi dŏ tơdu, pơhrua tui lăi rơđah tơlơi gêh gal, tơlơi kơtang mơ̆ng rim boh tơring čar, pơhrua tui jơlan hơdră ngă bruă amăng rơwang phrâo, laih anun ba tơbiă tơlơi kiăng ngă mơ̆ng rim boh tơring čar. Kơnong ƀơi tơring čar Tây Ninh, ơi Phạm Minh Chính kiăng Ping gah tơring čar akŏ pơdong kjăp kơtang hloh Ping gah, anom bruă čar mă bruă tơpă sit, kjăp kơtang, pơtrut tui gru grua khin hơtai, pran kjăp phik; pơplih prong bruă bơwih ƀong - mơnuih mơnam, pơhlôm pơgang lŏn ia - rơnuk rơnua; hrŏm hăng dêh čar ta mut amăng rơnuk phrâo - rơnuk hrưn đĭ mơ̆ng djuai ania./.