Khua dêh čar ăt pap mơñai mơn hăng hơdôm anŏ răm rai mơ̆ gong gai hăng mơnuih ƀôn sang amăng tơring čar Quảng Ninh glăk glăm ba mơng kơthel mrô 3 rơgao. Khua dêh čar čang rơmang tơring čar tañ rŭ pơdong glăi hơdôm anŏ răm rai mơng kơthel hăng kiăng hơđong tơlơi hơdip kơ mơnuih ƀôn sang. Amăng mông jơnum mơguah anun mơn, Khua dêh čar hơmâo git gai ƀơi anăp hơmâo giăm 100 klai prăk brơi rĭm boh ƀon lan amăng tơring čar Quảng Ninh, Hải Phòng kiăng rŭ pơdong glăi anŏ răm rai.

Kơ hơdră bruă, Khua dêh čar rơkâo tơring čar Quảng Ninh hăng ƀôn prong Hải Phòng jak iâu djop anih anom kơđi čar kiăng rŭ pơdong glăi tơdơi kơ ƀuh kơthel, hơmâo wŏt ling tơhan, jơnum min djop djuai ania mơnuih mơnam, khul grup kơđi čar-mơnuih mơnam, sit biă ñu pok pơhai lu bruă kiăng tañ rơmet pơagaih jum dar. Khua dêh čar rơkâo Ding jum ling tơhan pơkiăo nao ling tơhan mơng djop tơring čar, ƀôn prong giăm hloh gum hrŏm amăng hơdôm bruă tơdah dưi ngă.