Pơhiăp ƀơi mông jơnum, Khua dêh čar lăi Jơnum pơdă prưng dưi ngă tŭ yua hloh kơ tơlơi čang yơh, pơdah pran jua gum pơgôp djuai ania ta - phun atur pơjing rai tơlơi pơplih prong amăng tơlơi rơgơi, pran jua kjăp hăng tơlơi kơtưn hrưn đĭ pơ anăp, pơ ataih mơ̆ng djuai ania Việt Nam amăng rơnuk phrâo.

Hăng bruă pơƀuh glăi hră pơ-ar, rup, gơnam mơ̆ng đưm, Pơdă prưng jing rup pơƀuh abih bang bruă ngă hơkrŭ amăng 80 thun rơgao, nao hrŏm hăng bruă blah ayăt pơklaih rơngai djuai ania hăng bruă akŏ pơdong xã hội chủ nghĩa. Anai ăt jing tơlơi pơsit brơi tơlơi djơ̆ gal, rơngai djuai ania nao hrŏm hăng tơlơi pơmin phun lĕ akŏ pơdong lŏn ia abih bang mơnuih bơkơnar soh, laih dong pơđĭ tui tơlơi rơgơi Việt Nam. Khua dêh čar pơsit, Pơdă prưng “80 thun - Hrơi blan akŏ pơjing Tơlơi rơngai, Mơ-ai pô, Yâo mơ-ak” pơpŭ kơ tơlơi rơgơi, khin hơtai, pơčeh phrâo mơ̆ng ană mơnuih Việt Nam, râu mơdưh pran jua khăp kơ lŏn ia hăng pran đăo kơnang khŏp mơ̆ng Mơnuih ƀôn sang hăng Ping gah, Kơnuk kơna wơ̆t hăng tơlơi kiăng pơplih phrâo mơ̆ng lŏn ia./.