Ƀơi mông tŭ jum, Khua dêh čar ơi Phạm Minh Chính rơkâo Ding jum ling tơhan dua bơnah ăt pơtrut tui, ngă dơlăm hloh tơlơi rô nao rai giăng mah ling tơhan dua bơnah hăng hơdôm pok hră hơmâo kĭ pơkôl laih; kơnang kơ bruă mă čuă jơmư trư găn hăng bưp nao rai ƀing khua mua gah ling tơhan; pơtrut lu hloh bruă pơtô hrăm; ngă hrŏm bruă djru ba ling tơhan, čem rông tơhan, tơlơi thâo bruă mă, kơsem min, pơjao tơlơi thâo thăi, pơđĭ kyar bruă tuh tia pơkra gah ling tơhan, pơtrut bruă pơtruh nao rai jơlan rơdêh treng, jĕ giăm gru grua hiam adoh suang, hăng brơi mơnuih ƀôn sang rô nao rai mơak klă.