Hăng akŏ tơlơi jơnum SFS “Pơblih hơdră mă bruă wai lăng bruă braih apiăng, mơnong ƀong huă djơ̆ rơ-uă, hơđong kjăp, dưi bong glăi hăng anŏ pơblih ayuh hyiăng hăng bưp lu tơlơi pơhing rung răng phrâo. Ƀơi mông tŭ jum, Khua dêh čar Việt Nam rơkâo hơdôm dêh čar hlăk pơđĭ kyar kơtưn bruă ngă hrom plah wah Việt Nam hăng hơdôm dêh čar gah dơnung rơnŭi boh lŏn, amăng anun Việt Nam amra kah pơpha tơlơi thâo thăi hăng ngă hrom bruă hmua, kual plơi pla, lui rơmŏn kŏn rin, pơhlôm djop mơnong ƀong huă kơnang kơ hơdră ngă hrom Việt Nam hăng djop dêh čar dơnung gah rơnŭi boh lŏn, ngă hrom klâo bơnah djru nao rai hơdôm bơnah amăng jar kmar laih anun dua bơnah.

Kiăng dưi ngă bruă anai, hơdră wai lăng braih apiăng mơnong ƀong huă jar kmar ngă hrom tong ten gah bruă ngă hmua, kual plơi pla kơñ pơgi adih, Khua dêh čar rơkâo hơdôm bơnah pơđĭ tui tơlơi thâo hluh kơ bruă mă, tơlơi gơgrong mơ̆ng bruă ngă hmua, akŏ pơdong bruă mă pơhưč lu prăk tuh pơ alin, kơsem min hăng ba yua boh thâo ia rơgơi phrâo.