Khua dêh čar pơdah tơlơi hok mơ-ak ƀơi anăp bruă pơđĭ kyar kơtang, djop mơta hăng sit nik amăng tơlơi rô nao rai Việt Nam-Australia; lăi pơtong bruă hrưn đĭ tơlơi rô nao rai jing bơnah ngă hrŏm djop mơta lĕ boh than ba glăi mơng tơlơi gir run mơng dua bơnah amăng rơbêh 50 thun pơđĭ kyar tơlơi rô nao rai pơtom hiăp, Khua dêh čar ơi Phạm Minh Chính pơpŭ bơni Australia glăk pok pơhai lu kơčăo bruă ngă hrŏm sit nik, tŭ yua, djru brơi Việt Nam amăng djop mơta bruă mơng pơgang rơnuk rơnua, pơtô hrăm, boh thâo ia rơgơi, pơplih pơčeh phrâo hăng bong glăi ayuh hyiăng pơplih sat; rơkâo dua bơnah gum hrŏm tong ten ƀiă dong hơdôm tơlơi pơkôl khua mua hơmâo kĭ, tŏ tui ba bruă ngă hrŏm brơi dơlăm tui djơ̆ hăng hơdră rô nao rai ngă hrŏm djop mơta.

Dua čô khua tŭ ư tŏ tui pơtrut pơlăi nao rai, kơtưn thâo hluh hăng đăo gơnang tơdruă; ngă dơlăm tui bruă ngă hrŏm amăng pơgang rơnuk rơnua; pơtrut ngă hrŏm bơwih ƀong huă ba glăi boh tŭ yua hloh.