Khua dêh čar pơsit tong, Ping gah hăng Kơnuk kơna lêng kơ lăng bruă pơtô pơjuăt lĕ bruă akŏ phun; bruă ba tơbiă tơlơi pơtrun mrô 71 kiăng pok phư brơi anŏ gun, pơplih phrâo, hơkrŭ glăi bruă pơtô pơjuăt. Hơnong pơkă truh thun 2035, bruă pơtô pơjuăt amra pơplih phrâo, pơhlôm bơkơnar, klă hloh; anăp nao truh thun 2045, Việt Nam dong amăng grup 20 boh dêh čar pơtô pơjuăt  klă hloh amăng rŏng lŏn tơnah, abih bang mơnuih lêng kơ dưi hrăm truh djai ba.

Jơlan hơdră bruă mă pok pơhai mơng thun 2025 hăng hơdôm bruă jao: pơgiong črăn tơlơi phiăn, pơjing hơdră bruă phara; pel ĕp, pơplih jơlan hơdră pơtô hrăm phrâo; mă yua hơdrôm hră hrŏm mơng thun hrăm 2026-2027; anăp nao djru brơi soh sel hơdrôm hră brơi ƀing čơđai mơng thun 2030. Laih dong, Kơnuk kơna amra tañ pok pơhai hơdră prăk apah, prăk djru brơi ƀing nai pơtô hăng ƀing apăn bruă amăng wai lăng.