Amăng hơdră ngă bruă mơ̆ng Jơnum bơwih ƀong mơnuih ƀôn sang ngă pô Việt Nam thun 2025, tlam lơ 16/9, ƀơi Hà Nội, pơphun jơnum pơtom hiăp khua mua prong. Mông bưp anai hơmâo giăm 1 rơbâo čô khua jing ƀing khua Kơnuk kơna, hơdôm ding jum, anom bruă, tơring čar, hơdôm khul grup jar kmar, ƀing kơhnăk, mơnuih kơsem min boh thâo hăng kual bơwih ƀong mơnuih ƀôn sang ngă pô amăng dêh čar.

Pơhiăp ƀơi mông Jơnum pơtom hiăp khua mua prong, Khua dêh čar ơi Phạm Minh Chính čang rơmang hơdôm anom bơwih ƀong, mơnuih bơwih ƀong ngă tui djơ̆ hăng tơlơi pơtrun, tơlơi črâo ba mơ̆ng Ping gah, Kơnuk kơna, pơƀuh tơlơi pơmin sĭ mơdrô hăng tơlơi gơgrong bruă mơ̆ng mơnuih tơpuôl; gum hrŏm hăng Ping gah, Kơnuk kơna wơ̆t hăng mơnuih ƀôn sang gir kiăo tui jơlan rơngai djuai ania, tơlơi pơmin phun anăp nao tơlơi hơdip klă kơ mơnuih ƀôn sang. Kơ bruă rơđah rơđông, Khua dêh čar kiăng ngă tŭ yua hơdôm tơlơi pơtrun mơ̆ng Jơnum ping gah dêh čar tal 13, hơdôm tơlơi pơtrun mơ̆ng Ding jum kơđi čar phrâo pơtrun, amăng anun lăng yôm bruă mă yua boh thâo ia rơgơi, pơčeh phrâo kiăng hơkrŭ, đĭ kyar djŏp tơlơi gêh gal či pơđĭ kyar phrâo./.