Pơhiăp amăng mông jơnum, Khua dêh čar ơi Phạm Minh Chính lăi rơđah, 3 blan tal sa thun 2023 đĭ kyar bơwih ƀong dêh čar ƀiă hloh bơhmu hăng thun 2022 yua kơ hơdôm bôh than ba truh mơng gah rơngiao hăng tơlơi ƀu kơđiăng. Kiăng bruă bơwih ƀong hơkrŭ glăi tañ hăng pơđĭ kyar kơjăp phik khom pơsit, ba tơbiă hơdôm tơhnal pơkă, bruă jao, jơlan pơsir lăp djơ̆; amăng anun djru dong anom bơwih ƀong, mơnuih ƀôn sang, pơtrut bơwih ƀong huă, sĭ mơdrô.

Khua dêh čar črâo rơđah, blung hlâo khom mă yua hơdôm gơnam kiăng mơng Kơnuk kơna, mơng sang prăk pioh rŭ tơgŭ dong pran kơtang hrom mơng lŏn ia, iâu pơhrui ngăn rơnoh kiăng pơđĭ kyar, biă ñu lĕ kiăng pơtlaih hơdôm tơlơi tơnap lom anai, amăng anun hmâo hơdră kiăng iâu pơhrui ngăn rơnoh ƀơi anăp kơ hơdôm akŏ bruă bơdjơ̆ nao lŏn sang, ngă juăt hăng prăk čan, tŭ mă ngăn rơnoh mơng anom bpwih ƀong mơng mơnuih ƀôn sang, bruă sĭ hră pơkrem prăk... mơng anun ba tơbiă hơdôm hơdră bruă hmao tlôn. Hrom hăng anun thâo dong hơdôm tơlơi gun kiăng pơtlaih; tŭ ư hrom tơlơi pơmin, bruă kiăng ba tơbiă hơdôm jơlan gah pơsir djơ̆./.