Khua dêh čar ta ơi Phạm Minh Chính mơ-ĭt tơlơi tơña bla hăng hơ-ưč hmưi tơlơi suaih pral mơ̆ng Khua git gai Ping gah, Khua mir sir dêh čar ta ơi Tô Lâm truh kơ Ơi pơtao, Bơnai ơi pơtao hang sang anô̆ ơi pơtao Thái Lan; hơ-ưč hmơi yă Paetongtarn Shinawatra dưi hmâo Ơi pơtao pơsit ngă Khua dêh čar Thái Lan; đăo kơnang Gong gai Thái Lan hăng mơnuih ƀôn sang Thái Lan amra hmâo dong lu bôh than prong hloh amăng bruă pơdŏng hăng pơđĭ kyar lŏn ia.

Khua dêh čar ta ơi Phạm Minh Chính pơtŏng sit hơdră bruă pơtom hiăp ha sa mơ̆ng Việt Nam, lăng yôm hăng čang rơmang ngă brơi tơlơi rô nao rai Việt Nam - Thái Lan pơđĭ kyar jai hrơi jai kơtang. Dua gơñu pơsit tơlơi rô nao rai gum hrŏm kơplah wah Việt Nam hăng Thái Lan glăk pơđĭ kyar kơtang, ba glăi bôh tơhnal amăng lu bruă; tŭ ư khom tañ pơđĭ dlông tơlơi rô nao rai dua bôh dêh čar truh rơnoh gum hrŏm pơhlôm hloh./.