Pơhiăp amăng mông ngă Lơphet hơdor glăi, Khua dêh čar ta bơni, pơsit yôm hăng hơ-ơč hmưi hơdôm bôh than mơ̆ gơnong bruă put jrao dưi ngă amăng pơdŏng hăng pơđĭ kyar 55 thun rơgao. Khua dêh čar lăi rơđah, amăng bruă mă pơkra jrao, pơplih phrâo bruă put jrao lĕ bruă mă phun măi mok, yua kơ Grŭp pơkra jrao Việt Nam dŏng ƀơi anăp tơlơi kiăng ƀu dưi ƀu pơđĭ kyar.

Anai lĕ bruă mă, bruă gơgrong yôm ƀơi anăp Ping gah, Kơnuk kơna hăng mơnuih ƀôn sang. Khua dêh čar ta rơkâo pơ̆ anăp anai, Grŭp pơkra jrao Việt Nam khom sit nik gum hrŏm hơbit; abih bang khom ba bôh tŭ yua lŏn ia, djuai ania nao hlâo; gơgrong hlâo gum hrŏm kơjăp, ba glăi bôh tơhnal hăng hơdôm ding jum, gơnong bruă, ƀirô, anom bruă, plơi pla; gum hrŏm kơjăp amăng anom, hơdôm grŭp, phun akha sang bruă, anom bơwih ƀong; gơgrong hlâo đing nao tuh pơplai, mă yua tơhnal gal amăng jơlan gah pơđĭ kyar mơtah, pơplih mrô, pơplih mơtah, pơđĭ kyar apui yua kơjăp sui thun./.