Amăng tơlơi hur har hrŏm hăng đơ đam dêh čar hơdor glăi 80 thun hrơi ngă Hơkrŭ blan 8 hăng hrơi pơdŏng Lŏn ia lơ 2/9, mơguah tom brơi (25/8), Ding jum tơlơi phiăn pơphun ngă Lơphet hơdor glăi 80 thun Hrơi gru grua Tơlơi phiăn Việt Nam (28/8) hăng Jơnum bơkơtưn khăp kơ lŏn ia bruă Tơlơi phiăn tal 6. Djă pioh hơdôm bôh than dưi ngă mơ̆ng gơnong bruă Tơlơi phiăn amăng 80 thun rơgao, amăng mông ngă lơphet Khua dêh čar ta ơi Phạm Minh Chính pơ ala kơ khua git gai Ping gah, Kơnuk kơna ƀơk Miđai mă bruă dăp tal Sa kơ Ding jum Tơlơi phiăn yua kơ bôh than phara ha jăn prong amăng bruă tơlơi phiăn, djru pơdŏng hăng pơgang lŏn ia Việt Nam djop mơnuih dưm kơnar, yua kơ bôh tơhnal mơnuih ƀôn sang pơdrŏng, lŏn ia kơtang, dưm kơnar, tơpă, thâo rơgơi.

Pơ̆ anăp anai, Khua dêh čar ta ơi Phạm Minh Chính rơkâo bruă Tơlơi phiăn đing nao pơtlaih hơdôm tơlơi tơnap, tơlơi gun kơ tơlơi pơkă, tơlơi phiăn, pơjing tơlơi pơplih phrâo iâo pơhrui hăng mă yua ba glăi bôh tơhnal djop ngăn rơnoh, pơjing pran gơgrong, bŏng kơjăp, pơjing pran gơgrong kơ lŏn ia kơjăp phik yak nao rơnuk phrâo. Khua dêh čar pơmin hăng phiăn juăt gru grua 80 thun Gơnong bruă tơlơi phiăn, bruă tơlơi phiăn hơdôm thun pơ̆ anăp hmâo dong yak pơđĭ kyar phrâo, djru ngă truh kih bruă hơkrŭ mơ̆ng Ping gah, mơ̆ng djuai ania./.