Anom Jơnum ngui sang čơ pơdă prưng dêh čar ta pơkă pơdŏng prong 90 ektar, gah Top 10 anom pơdă prưng prong hloh rŏng lŏn tơnah, ƀut dưi pơkă lăng hlâo amra “jing tơhnal phrâo” mơ̆ng Plơi prong jưh jom. Rơwang bruă dŏng ƀơi bah amăng Ngŏ Kơdư Hà Nội, anih anom phun mơ̆ng hơdôm ară jơlan phun yôm phăn nao pơ̆ hơdôm bôh tơring čar hmâo jơlan lŏn, jơlan rơdêh por hăng metro hmâo pơkă laih.

Anom Jơnum ngui sang čơ pơdă prưng dêh čar ta lĕ rơwang bruă hơđăp ƀơi Giảng Võ hăng jing anih anom nao pơ̆ jar kơmar kơ hơdôm tơlơi sĭ mơdrô, pơdă prưng gơnam ba jơlan hlâo đơ đam rŏng lŏn tơnah, pok phun bruă bơwih ƀong Expo dik dăk. Anai lĕ phun akha yôm phăn pơjing anih anom jar kơmar kơ hơdôm bôh anom bơwih ƀong amăng dêh čar pô hăng dêh čar tač rơngiao sĭ mơdrô rô nao rai, tô nao rai, pơtrut sĭ mơdrô, hrŏm hăng anun lĕ pran pơtrut phrâo kơ tơlơi đĭ kyar bơwih ƀong mơ̆ng Plơi prong jưh jom Hà Nội./.