Hơ-ơč hmưi ơi Huỳnh Thành Đạt gơgrong bruă phrâo, Khua Grŭp pơtô bruă Ping gah hăng pơtô ba mơnuih ƀôn sang dêh čar ta ơi Nguyễn Trọng Nghĩa lăi lĕ, anai amra jing sa pran kơtang phrâo hăng sa ngăn rơnoh phrâo pioh Grŭp pơtô bruă Ping gah hăng pơtô ba mơnuih ƀôn sang dêh čar ngă giong bruă gơgrong dưi hmâo Ping gah, Kơnuk kơna hăng mơnuih ƀôn sang jao.

Ơi Huỳnh Thành Đạt tơkeng rai ƀơi tơring čar Bến Tre, dưi pơtô pơhrăm kơjăp, găn rơgao lu bruă apăn. Hăng sa čô Khua Ding jum kơsem min bôh thâo phrâo hăng hơdră phrâo măi mok, ñu hmâo gum hơgôp, ngă brơi laih bruă kơsem min bôh thâo phrâo hăng hơdră phrâo măi mok hmâo yak pơplih phrâo prong. Kơsem min bôh thâo phrâo hăng hơdră phrâo măi mok lĕ sa amăng hơdôm bruă pơplih phrâo, pơtrut pơplih phrâo pơčeh phrâo, jing phun akha pioh lŏn ia yak mut rơnuk phrâo, rơnuk phrâo hrưn đĭ pô mơ̆ng djuai ania. Yua kơ anun, bruă mă, bruă gơgrong mơ̆ng Grŭp pơtô bruă Ping gah hăng pơtô ba mơnuih ƀôn sang dêh čar ăt kiăng pơtrut kơtang pơplih mrô mơn amăng pơsit jơlan gah tơlơi pơmin, pôr pơhing hơdră bruă truh rim mơnuih apăn bruă, mơnuih ping gah hăng mơnuih ƀôn sang./.