Amăng mông nao čuă hăng ƀơk gơnam, khua ding jum ling tơhan Phan Văn Giang tŭ yap hơdôm tơlơi gir run mơng Ping gah, gong gai hăng mơnuih ƀôn sang djop djuai ania tơring čar Dak Lak amăng pơđĭ kyar bơwih ƀong huă-mơnuih mơnam, pơhlôm rơnuk rơnua, laih dong rơkâo djop gưl, gơnong bruă tŏ tui bơwih brơi klă ƀiă dong kơ ƀing mơnuih djru hơkrŭ hăng ƀing tui hơdră djru.

Khua ding jum Phan Văn Giang hơmâo jao 65 anung gơnam brơi hơdôm sang anŏ ba gru ƀơi tơring čar Dak Lak, laih dong lăi pơthâo Ding jum ling tơhan amra djru brơi tơring čar ngă tui sa, dua jơlan hơdră, akŏ bruă, amăng anun hơmâo man pơdong sa boh sang hră gưl sa hăng sang hră gưl dua ƀơi kual giăm guai, hăng abih tih 150 klai prăk.