Ƀơi sang jưh tuai Kơnuk kơna, Khua ding jum pơtom hiăp ơi Bùi Thanh Sơn jơnum bơkơtuai hăng Khua ding jum pơtom hiăp dêh čar Chile. Dua čô khua lăi pơthâo nao rai kơ bruă ƀơi rĭm bơnah, pơlăi nao rai jơlan gah, hơdră kơtưn tơlơi rô nao rai ngă hrŏm djop mơta Việt Nam-Chile, hơdôm bruă amăng kual hăng jar kmar dua bơnah đing nao.

Dua bơnah hơmâo pơlăi nao rai hăng tŭ ư sa, dua hơdră bruă kiăng tŏ tui ngă dơlăm ƀiă dong tơlơi rô nao rai dua bơnah pơ anăp anai, hơmâo bruă gum hrŏm prap lui hơdôm tal čuă jơmư khua mua pơprong, tŏ tui boh tŭ yua mơng hơdră lăng nao rai kơđi čar hăng Khul sĭ mơdrô rơngai Việt Nam-Chile, gum hrŏm pơsir hĭ tơnap tap amăng tơlơi rô nao rai dua bơnah hăng ngă gêh gal ba sĭ mơdrô gơnam tam mơng dua bơnah.