Khua git gai Ping gah dêh čar mơ-it nao tơlơi tơña bla, hơdor tơngia ƀing khua mua hơđăp hăng Khua mua pơ ala mơnuih ƀôn sang dêh čar djop rơnuk. Ñu pơsit tong, 80 thun rơgao, ƀing Khua pơ ala mơnuih ƀôn sang lêng kơ gum hrŏm lŏn ia, jing anih pơčrông sai, pơsir hĭ hơdôm bruă pơprong, pơdah pran hrưn đĭ, tơlơi čang rơmang mơng mơnuih ƀôn sang.

Pơhiăp ƀơi anăp rơbêh 2.200 čô khua mua, Khua git gai Ping gah dêh čar lăi rơđah jơlan gah pơđĭ kyar lŏn ia pơ anăp anai, sit biă ñu lĕ ngă tui tơlơi dưi amăng tơlơi pơtrun Jơnum tal XIII hăng prap lui klă Jơnum Ping gah tal XIV. Ñu lăi pơtong 3 jơlan gah: pơhlôm tơlơi dưi, rơngai lŏn ia hăng hơđong mơnuih mơnam; pơđĭ kyar tañ, hơđong kjăp; anăm pơdơi hrưn đĭ tơlơi hơdip mơda kơ mơnuih ƀôn sang.